حوش الى وقع منك........

اكيد سمعنا الجملة دى اليومين الى فاتو دول بسبب اعلان الفيلم بتاع احمد رزق ،مع انها جملة عادية جدا بس لو فكرنا فيها شوية نلاقيها ملائمة جدا من الحياة الى احنا عيشنها، كلنا و احنا ماشين فى رحلة الحياة بتقع مننا حاجات كتير قوى قيم و مبادىء و اخلاق و صدق و امانة و تحمل المسئولية.

ياه دى حاجات كتير قوى بتقع مننا يا رب نقدر نحافظ على الى ليسا موقعش احسن فجأة نصحى نلاقى نفسنا فارغين من اى حاجة و كل حاجة وقعت مننا و مش عارفين نجمعها تانى بعض لما وقعت و ضاعت كمان وسط زحمت الحياة.

Thank you

لحظة

بنتولد على ارض و بنموت فى ارض و الحياة هى اية سوى لحظة، بالطول ولا العرض ، شمال و لا يمين اهى حياة بتتقضى ، حياة و لا ليها معنى و كل حاجة فيها معكوسه و لا الصح صح و لا الغلط غلط ، قيم بالمشقلب و ناس بتتحكم فى كل حاجة و هى مش من حقها اى حاجة غير ان سلطتها انها تتحكم و ناس تطاطى و تقول حاضر خلاص و انا حعمل اية مفيش فى ايدى حاجة.

لو كل واحد حافظ على القيم و الاصل الى جواة مكوناش بقينا كدة الانسانية السلبية و هى حياة و السلام ساعات و لا دقائق و لا ثوانى اهى كلها لحظات فيها الحلو و فيها المر بس المهم انت عايز اية و لازم تعمل اية ، يلا اهى لحظة او حتى لحظات و يمكن فترات بس لازم تعدى هو دة المهم انها تعدى و تقضى عليها لازم تعدى................

رأس المال
ياترى لية رأس المال هو الى بيتحكم فى كل حاجة، بيتحكم فى الحب و الاصول و الصداقة و المشاعر و كل حاجة كويسة داخل الانسان يترى هى دى المشاعر الجميلة الى بنسمع عنها ، هى دى المشاعر الى تخلى انسان يضحى باجمل حاجة فى حياتة علشان مينفعش ان حد يوقف قدام راس المال يا خسارة على الحياة و المشاعر و احلى سنين الحياة الى ضاعت فى كلمة.

C'est la vie
هى دى الحياة ، ليه الحياة عاملة كدة ياترى مين الصح و مين الغلط.
الانسان مش بياخد كل الى بيتمناة بس لية الانسان لما يكون مش عايز يقرب من الحاجة دى و يلاقى كل الظروف الى حولية تساعدة انة يقرب من الحاجة دى لحد لما يكون بيتمنى انها تحصل او بمعنى ادق بيكون فى انتظارها فى اسرع وقت و يتمنى حاجة عمرة ما كانت بتدور فى عقلة و بيكون سيبها خالص خالص لحد لما تيجى فى وقتها.
لكن فى اسعد وقت ممكن الانسان يحس انة اقرب انة يمتك جمال و سعادة الحياة الى كان بيدور عليها و مش لاقيها ابدا و اول لما يلاقيها يلاقى نفسه ماسك سراب و بيفوق على صدمة بتكون صدمة شديدة قوى و بيحس انة عايز يدمر الحياة الى ماتستهلش دى.
بس C'est la vieحياة متتعش لانها ماتستهلش و مافيش فيها حد يعرف معنى سعادة الحياة و معنى حب الحياة اى معنى الحب الحقيقى الى مش موجود خالص

NEW LIFE

انا عارفة انى مأثرة جدا مع المدونين اصدقائى و بقالى فترة كبيرة اوى مش باكتب حاجة لكن بجد كلكوا واحشتونى اوى اوى اوى بس بجد الفترة الى فاتيت دى كانت مليئة بالمفاجأتو الاحداث الغريبة جدا.

المفاجأة انى مقبلة على حياة جديدة جدا و عايزة دعواتكوا جدا فى الشغل و الحياة معارك فى كل حاجة و حياة جديدة و جميلة مقبلة عليها .

الغريب ان السعادة ممكن تكون قدامك العمر كلة بس انت مش واخد بالك اوى مش عايز تاخد بالك و اول لما السعادة تخبط على بابك تكون فى منتهى السعادة و تستغرب انت ازاى مكونتش واخد بالك و ازاى كنت قافل على نفسك كدة.

بجد واحشتونى جدا جدا،

Thank you,

ask ur self